Ermarsund 2011

Komnir tilbaka til Dover.

2011-07-10T16:22:00.001Z

Árni þurfti að hætta sundi eftir 36,5 km og tæplega 10 stunda sund

2011-07-10T14:28:00.002Z

Núna klukkan 15.15 að staðartíma þurfti Árni Þór því miður að hætta sundi yfir Ermarsundið. Axlarmeiðsl og miklir straumar þvinga hann til að taka þessa ákvörðun í samráði við skipstjórann og atstoðarmenn sína um borð. Árni hafði þá synt í nákvæmlega 9 klukkutíma og 33 mínútur og lagt að baki 36,5 kílómetra. Árni var að öðru leyti í mjög góðu ásigkomulagi þegar hann kom um borð og vildi hann skila þakklæti til allra sem hafa fylgst með og veitt sér stuðning í þessu krefjandi verkefni.

Hægt að fylgjast með ferðum annarra sundmanna á Ermarsundi

2011-07-10T14:10:00.002Z

Til gaman má benda á síðuna hér þar sem hægt er að fylgjast með ferðum annarra sundmanna hér á Ermarsundi. Árni á sem áður segir "Track 5", svo var annar solo sundmaður sem startaði á sama tíma og Árni Þór. Hinir bátarnir eru að fylgja boðsundsveitum.

Árni orðinn mjög tæpur, axlarmeiðsl farin að gera vart við sig

2011-07-10T14:00:00.002Z

Hægri öxl Árna er orðin mjög tæp og hefur hann ekki getað beitt hendinni sem skyldi. Það hefur gert það að verkum að við höfum aðeins farið hálfa mílu á síðasta einum og hálfa klukkutímanum. Mjög sterkir straumar hafa ýtt Árna af sundleiðinni. Ingþór og Benni töluðu við Árna í síðustu matargjöf og urðu þeir sammála um að Árni myndi synda í hálftíma í viðbót og sjá hvort hann nái að kreysta meira úr hægri höndinni. Staðan verður svo endurmetin sum sé eftir 30 mínútur. Það er engu að síður gríðarlegur baráttuandi í Árna.

Benni er kominn út í sjó og ætlar að synda með Árna næsta klukkutímann

2011-07-10T13:51:00.001Z

Árni heldur áfram

2011-07-10T12:07:00.004Z

Nú er sólin farin að skína hér Frakklands megin og Árni fær orku frá henni og hefur heldur hert sundið. Nú þarf hann virkilega að taka á því og það er alls enginn uppgjafartónn í honum. Jón synti með honum í tæpan klukkutíma. Benni mun líklega fara útí kl 12.00 að íslenskum tíma og synda með Árna. Vindur er 5 m/s, lofthiti er 14,6 og sjávarhiti 14,3

Árni er núna búinn að vera 7 tíma og 30 mínútur á sundi og hefur lagt 30 km að baki. Þess má geta að heimsmetið er rétt rúmlega 7 tímar og lengsti skráði tími einstaklings yfir Ermarsundið er 28 klukkustundir. Aðeins hefur einum solosundmanni tekist að ljúka Ermarsundi í ár, það var Marcella Mcdonald frá Bandaríkjunum sem gerði það 26. júní á 10 klst og 34 mínútum.

Sendum Jón út í til að hvetja Árna til dáða.

2011-07-10T11:38:00.001Z

Sendum Jón út í til að hvetja Árna til dáða. Árni hefur hægt verulega á sér og þarf að herða sig. Miklir og sterkir straumar hafa borið okkur af leið. Bíðum eftir að straumar verði okkur hagstæðari. Aukasundmaðurinn má vera klukkutíma mest í sjónum. Svo verður að líða að lágmarki klukkustund á milli næsta sundmanns sem syndir með. Nú eru komnir 26 km.

Nálgumst franska lögsögu en Árni þarf að herða sundið.

2011-07-10T10:08:00.001Z

Nú er Árni búinn að synda í rétt rúmlega 5 klukkustundir og hefur lagt 23 kílómetra að baki. Það er gríðarleg umferð skipa á Sundinu enda um fjölförnustu siglingaleið í heimi að ræða. Franska landhelgisgæslan var að senda út tilkynningu til skipa að vara sig á sundfólki.

Rúmlega 15 km búnir af sundinu

2011-07-10T08:13:00.002Z

Nú er Árni búinn að synda 15 kílómetra og miðar honum vel áfram þrátt fyrir smá verk í öxlum. Síðasta matargjöf gékk vel og fékk hann orkudrykk í þetta skiptið. Ingþór sér um gjafirnar sem nú gerast með 30 mínútna millibili og það er fyrirfram ákveðið hvað gefið er í hvert skipti. Benni fylgist með sundstíl og sundstefnu Árna og gefur honum viðeigandi skipanir reglulega.
Hægt er að fylgjast með ferðum Árna á sérstakri vefsíðu hér.

3 matargjafir búnar

2011-07-10T07:44:00.002Z

Árni var að fá þriðja matarskammtinn núna og gékk betur með gjöfina en í fyrri tveimur. Nú förum við að gefa honum á hálftíma fresti. Árni er aðeins farinn að finna fyrir verk í öxlum og er það pínu áhyggjuefni. Mögulega nær hann að losna við verkinn með verkjatöflunni sem við vorum að gefa honum.

Rúmlega 9 km að baki. Sundið gengur vel. Styttist í næstu matagjöf en sú fyrsta mislukkaðist. Mikilvægt að þær taki sem stystan tíma.

2011-07-10T06:42:00.001Z

Matargjöf, ein klukkustund liðin af sundinu. 5.2 kílómetrar að baki.

2011-07-10T05:51:00.001Z

Árni búinn med 2.2 kílómetra á 30 mínútum, útfallid hjálpar.

2011-07-10T05:16:00.001Z

Hitastig sjávar er 15,8 og lofthiti er 17 grádur.

Árni ad fara út í sjóinn, Ingthór ad gefa okkar manni pepp!

2011-07-10T05:00:00.001Z

Sundid hafid, Árni lagdi í hann kl 05.42 ad stadartíma.

2011-07-10T04:53:00.001Z

Erum ad leggja í hann, verid smyrja Árna.

2011-07-10T04:37:00.001Z

Nýjustu upplýsingar: lagt af stað kl. 05.00 í fyrramálið

2011-07-09T20:55:00.002Z

Stuart skipstjóri hringdi í Árna núna rétt í þessu til að staðfesta að við eigum að mæta niður á bryggju kl. 04.30 og ef allt gengur að óskum verður lagt í hann kl 05.00 að staðartíma sem er 04.00 að íslenskum tíma. Það er óðum að lygna en spurningin er hvort aldan verði að fullu gengin niður í fyrramálið. Núna krossleggjum við fingur og vonum að hægt verði að leggja í hann og Árni er algjörlega klár í baráttuna og búinn að load-a sig vel upp af kolvetnum! Við munum gefa ykkur upplýsingar í fyrramálið um leið og þetta skýrist. Bestu kveðjur frá Dover, Árni & Co.

Erum enn að bíða eftir staðfestingu á sundinu frá skipstjóranum okkar

2011-07-09T18:15:00.003Z

Við bíðum enn frétta frá Stuart skipstjóranum okkar en hann og aðrir skipstjórar eru að meta stöðuna með veður og sjávarföll í nótt og á morgun. Við eigum von á að heyra frá honum innan næstu tveggja tíma og verðum vonandi með staðfestan tíma fljótlega.

Fundur med Stuart, nú lítur út fyrir ad vid förum af stad í fyrramálid. Fáum lokasvar kl 4 í dag.

2011-07-09T08:44:00.001Z

Föstudagur 8. júlí í Dover

2011-07-08T23:16:00.005Z

Árni er að undirbúa sig líkamlega og andlega fyrir sundið sem nú er planað að hefjist snemma mánudags. Árni tók góða 1,5 klst æfingu í morgun og fóru Benni, Jón og Haukur með í sjóinn og syntu þeir með í miklum öldugangi og látum sem Benni segir að sé besta æfingin fyrir stóru átökin úti á Ermarsundi. Árni mun nú minnka æfingarnar og nú er mikilvægt að hvíla vel fyrir sundið. Þar sem að það er útséð með að sundið hefjist í fyrsta lagi á mánudagsmorgun ákváðum við að aðstoðarmenn Árna gerðu sér ferð til Calais í Frakklandi á morgun. Benna langar að sjá staðinn þar sem hann kom í land sumarið 2008 þegar hann kláraði Ermarsundið. Hann kom þangað í myrkri og hefur ekki hugmynd um hvernig staðurinn lítur út en okkur skilst að þar sé fallegt. Við ætlum okkur einnig að taka sundsprett á ströndum Frakklands :)
Árni verður eftir í Dover og fer aðeins í sjóinn en hvílist að öðru leiti. Nú er hann byrjaður að "load-a" sig af efnum í vökvaformi sem munu gefa honum auka búst þegar kemur að sundinu.
Við enduðum daginn á góðum skipulagsfundi þar sem farið var yfir langan tékklista, meðal annars hvaða búnað við þurfum að hafa með út á sjó, vistir og annan búnað sem þarf að vera meðferðis. Við fórum yfir sundáætlun og hlutverkaskiptingu um borð.
Í fyrramálið munum við svo halda fund með skipstjóranum okkar Stuart og fara yfir planið. Hann verður búinn að skoða nýjustu veður- og vindaspá og einnig þarf að skoða hvernig stendur á með flóð og ákveða starttímann með hliðsjón af því. Í dag kvöddum við svo félaga okkar í boðsundsveitinni, þau áttu flug heim til Íslands í kvöld með Iceland Express. Bretarnir voru mikið að spyrja okkur hvort annað eldgos væri í vændum því BBC hafði víst flutt fréttir af því að eldfjallið Hekla væri um það bil að fara að gjósa :) Við vorum pollról og sögðum þeim að þetta væri nú ekkert til að hafa áhyggjur af! Nú ef svo illa vill til að Hekla gjósi og við komumst ekki heim þá heitir Árni því að synda fram og tilbaka yfir Ermarsundið ;)
Bestu kveðjur frá öllum heim til Íslands.
p.s. Benni á afmæli á morgun og við ætlum að koma honum á óvart...ekki segja honum frá!

Skipulagsfundur hjá teyminu, tékklisti yfirfarinn. Allir klárir á sínu hlutverki.

2011-07-08T15:22:00.001Z

Veður í Dover og á Ermarsundi

2011-07-08T08:40:00.007Z

Á Ermarsundi eru núna um 10-15 m/s sem er ófært til sunds. Lofthiti er ágætur eða um 16° og hiti sjávar er 14° og hækkar með deginum. Árni er að fara á sundæfingu og ætla nokkrir að synda með honum í höfninni.

Til fróðleiks og upplýsinga þá er hægt að nálgast góðar upplýsingar um veður og vinda á síðunni WindGuru.

Fróðleikur um Ermarsund

2011-07-08T00:00:00.006Z

Fyrir fróðleiksfúsa má benda á sérlega skemmtilega og upplýsandi heimasíðu The Channel Swimmers Association.

Þar má finna ýmsan fróðleik svo sem hverjir hafa klárað Ermarsund í ár og fyrri ár.

Upplýsingar um skipstjórann okkar Stuart er að finna hér. Þegar sundið hans Árna hefst má fylgjast með ferðum okkar og skipsins Sea Leopard hér.

Margar skondnar en strangar reglur gilda í Ermarsundinu svo það að frá þeim tíma sem sundmaður fer af stað frá Dover og þar til hann nemur land á ströndum Frakklands má hann ekki snerta neitt nema sjóinn og matinn sinn!! Öll snerting við bát og fólk þýðir að sundmaður er út leik. Sjá meira um þetta hér á reglusíðu CSA.

Nýjar myndir frá Dover

2011-07-07T23:50:00.002Z

Minnum á að það er hægt að sjá fleiri myndir á Facebook síðunni okkar Ermarsund 2011.

Fimmtudagur 7. júlí í Dover

2011-07-07T19:44:00.002Z

Í dag var fyrsti dagur af sundrétti Árna Þórs. Of vindasamt var á Sundinu til að þreyja Ermarsund þ.a. dagurinn byrjaði á rúmlega klukkutíma æfingu í höfninni. Þar hittum við fyrir Bandaríkjamenn sem búa í Ástralíu, eru þeir í sömu erindagjörðum og Árni Þór að synda einstaklingssund yfir Ermarsund. Eftir æfinguna okkar var skollið á gott veður með sól og blíðviðri. Þá fjölgaði á ströndinni í höfninni og hittum við hressan hóp kvenna sem ætla sér að synda boðsund á sunnudag eða mánudag. Haldið var til næsta bæjar við Dover sem heitir Folkstone og þar var farin skoðunarferð um miðbæinn og labbað upp hvítu klettana milli bæjanna. Þaðan er frábært útsýni yfir Sundið og á góðviðrisdögum sést yfir til Frakklands. Notuðum við tækifærið og plönkuðum á völdum stöðum sem sjá má hér á síðunni og á Facebook. Komum til baka til Dover um 6 leytið og var tekin klukkutíma seinniparts æfing. Sjórinn var rúmlega 15 gráður og er smám saman að hitna. Sjórinn er þó ca. 2 gráðum kaldari en á sama tíma í fyrra. Boðsundsveitin fór til Frakklands í skoðunar- og sundferð. Var það mál manna að þorpið í Calais sé mun nýtískulegra og flottara en Dover. Þar var tekinn góður sundsprettur og lunch. Boðsundsveitin er á heimleið á morgun. Árni Þór var í sambandi við skipstjórann okkar Stuart núna seinnipartinn. Veður- og vindaspá lítur enn þannig út að Árni geti lagt í hann snemma á sunnudagsmorgni. Góð spá er fyrir sunnudag og mánudag og þá myndast frábær gluggi til að synda yfir! Það er ansi margir sundmenn sem bíða eftir þessum glugga og líklegt er að það verði mannmergð á Sundinu á sunnudagsmorgun. Tímann fram að því notum við vel til æfinga og til að undirbúa sundið og yfirfara allan búnað sem við höfum um borð. Bestu kveðjur frá Dover.